College life me paise ki problem to sabko hoti hai aur college life me masti bhi karni hoti hai, To socho agar mai aapko bataun aap 100rs se bhi investing start kar sakte ho. Aur apna future secure bana sakte ho.
Hello everyone mai aaj aapko batane wala hoon Best Investment Options for Students jo aap just 100rs se bhi start kar sakte ho.
Kyun Students Ko Jaldi Invest Karna Chahiye?
Zyadatar students sochte hai pehle ek accha sa job mil jaye uske baad invest karna start karenge, lekin aise kaam nahi chalta hai.
Aap jitna zaldi investment karna start karoge aapka paisa utna zyada grow karega, chahe aap starting me kam paise se bhi investment start karo. Lekin start kar do.
Jitna pehle aap investment start karoge aapka paisa compound interest se utna zyada badhega yahan chota amount bhi bada ban sakta hai.
Aap investing jitna zaldi start karoge aapko aage chalkar financial pressure kam rahega aur baad me paiso ki problem bhi nahi aayegi.
Kya Investment ke liye Zyada Paise Chahiye?
Bilkul nahi! aap 2025 me 100rs se bhi investment start kar sakte ho, aap groww, paytm money, INDmoney jaise apps pe kisi bhi stocks me investment kar sakte ho.
Aap yahan pe 100rs se bhi investment start kar sakte ho aur abhi choti si shuruaat bhi aage chalkar badi aadat ban sakti hai.
Best Investment Options for College Students
Chalo mai aapko batata hoon 5 aise simple aur student-friendly investments jo aapko starting me help karenge.
1. Mutual Fund SIP – Start with 100rs
SIP matlab Systematic Investment Plan, aap har mahine ek chote se amount jaise 100, 500 se mutual fund me invest kar sakte ho.
Aapko isme 8-12% tak returns long-term me mil sakte hai isse zyada bhi returns mil sakte hai lekin safe-side pe 8-12% returns lekar chalte hai.
Example- aap 500rs/month se start karte ho to aapka wo amount 5 saal me 38000-40000 tak ban sakta hai.
To aap jitna zaldi start karoge aapko utna hi zyada fayda hoga.
2. Digital Gold – Safe & Easy
Gold to hamesha se hi investment ke liye ek safe option raha hai, ab to gold digital form me bhi available hai.
Aap 100rs se bhi digital gold buy kar sakte ho app like phonepe, googlepay inn sab app ke through aap digital gold buy kar sakte ho.
Aapko ghar pe rakhne kaa koi tension nahi, digital gold fully secure hota hai.
Aap future me chaho to sell kar sakte ho ya fir physically gold me bhi convert kar sakte ho.
Digital gold ek safe aur easy option hai investment ke liye.
3. Fractional Stocks & ETFs
Pura stock mehenga hai? koi baat nahi aap uss stock ka fractional share le sakte ho.
ETF (Exchange Traded Fund) simple hai aap yahan pe kam paiso me investment start kar sakte ho.
Aap Nifty50 ETF sirf 100rs se buy kar sakte ho aur aapka investment india ke top 50 companies me ho jayega.
Ye students ke liye ek accha option hai jo abhi iss field me naye hai aur stock market seekhna chahte ho.
4. Recuring Deposit (RD) – Fixed & Safe)
Aap Bank me RD open kar sakte ho, aapko isme fixed monthly saving aur fixed monthly return milega.
Aap agar RD me 500rs/month bhi investment karte ho to aapko ek saal ke baad 6200rs tak milta hai with interest.
Isme koi risk nahi hota hai, aap starting me isme investment start kar sakte ho.
5. Invest in Yourself – Best ROI
Haan, sabse investment aap khud hai, aap college me hai to aap khud me investment kar sakte ho.
Aap skills sikhne me investment kkaaro jaise coding, designing, freelancing, video editing, ye sab sikhne me investment kar sakte ho.
Aap side hustle start kar sakte ho aur paise kamane ka ek extra source bana sakte ho.
Best Apps For Students
Groww → Mutual Fund SIP & Stocks
Paytm Money → SIP & Digital Gold
Kuvera → Free Direct Mutual Funds
INDmoney → US Stocks aur ETFs
PhonePe → Digital Gold
Quick Tips For Students
Chhota start karo, but regular raho
High-risk trading avoid karo (Crypto/F&O mat karo)
Emergency fund banao
Pehle seekho phir invest karo
Long-term socho, overnight rich hone ka sapna mat dekho
Conclusion: Best Investment Options for Students
College me investment boring nahi hai ye ek smart habit hai,aapko investment karne ke liye lakho rupaye ki need nahi hai.
Aap sirf 100rs se bhi investment start kar sakte ho, to upar bataye gaye baaton ka ye conclusion hai ki jitna zaldi ho sake investment start kar do. Chahe aap kam paiso se hi start karo lekin college me investment start zaroor karo.
PaisePaisa.com– Aapka Financial dost!
Agar aapko ye blog helpful laga ho toh share karo aur apne doubts niche comment me pucho.
FAQ’s: Best Investment Options for Students
Kya students ₹100 se invest kar sakte hain?
Haan! SIP ya digital gold easily start hota hai.
Safe option kaunsa hai?
Bank RD & Digital Gold safest hai.
Best returns kahan milte hain?
Mutual Fund SIPs aur ETFs long-term me achhe hote hain.
Kya stock trading karni chahiye?
Nahi, pehle seekho phir trading karo. SIP better hai beginners ke liye.
Sabse acchi investment career ke liye?
Apne skills me invest karo – lifelong fayda milega.
